Es eleccions municipaus en Bossòst

20/05/2019

Eth municipi de Bossòst ei plaçat en terçon de Quate Lòcs, molt a pròp dera termièra francesa. Damb ua poblacion de mès de 1100 abitants, ei eth tresau municipi mès poblat de tota era Val d’Aran, sonque per darrèr de Naut Aran e de Vielha e Mijaran.

A ua extension de 28 quilomètres quarradi e ua nautada de 712 mètres.

Ath delà de pera sua activitat comerciau, Bossòst destaque peth sòn auviatge istoric e culturau. Era glèisa dera mair de Diu dera Purificacion, deth dègle XII, n’ei un bon exemple.

Tanben suberges era sua rota des capèles protectores e eth sòn auviatge naturau, coma eth magic Còth de Baretja.

Enes pròplèus eleccions municipaus es vesins de Bossòst son cridadi as urnes entà escuélher baile e 8 regidors entàs pròplèus 4 ans. Enes darrères eleccions, eth grop politic d’Unitat d’Aran artenhec 7 còssos e Convergéncia democratica 2.

Enguan, er actuau baile, Amador Marqués, d’Unitat d’Aran, se presente ara reeleccion.

Pera sua part, Siscu Rodríguez enteste era lista de CDA.

Ara tòque demorar enquiath 26 de mai tà saber qu’ei çò qu’es abitants de Bausen decidissen.

Laura Rodríguez