Era oelha de raça aranesa, present en FIGAN Hèira Internacionau entara Produccion Animau

21/03/2019

Era Associacion de Criadors d'Ovin de Raça Aranesa (ACORA) representada peth ramader de Salardú, Eric España, participe ena 14au edicion de FIGAN Hèira internacionau entara Produccion Animau, que se celèbre en Saragossa deth 19 ath 22 de març. Eric España ei er unic representant de Catalonha dera oelha de raça aranesa en aguesta Hèira Internacionau.

Innovacion e tecnologia son era senhau d'identitat deth concors de referéncia deth sector agroramader en Arc Mediterran qu'amasse as professionaus.

Era Hèira Internacionau entara Produccion Animau exibís innovacion, desvolopament e tecnologia, en ua cita que, edicion dempús d'edicion, s'a convertit ena referéncia entàs professionaus e es enterpreses, que ven en FIGAN eth melhor scenari entara presentacion des sues equipes e productes.

Era oelha dera Val d’Aran, considerada de proteccion especiau per trobar-se en perilh d’escandilhament, destaque peth sòn gran potenciau carnic, es sues potentes encornadures e tanben pera qualitat dera sua lan, fòrça cotizada entre es artesans. Actuauments, ues 30 ramaderies se dediquen ara sua creatura e amassen un cens de 1.911 efectius (1.836 femelhes e 75 mascles).

HÒNT: CONSELH GENERAU D'ARAN

Laura Rodríguez