Atac d'os en Arres

14/04/2019

Damb era arribada dera primauera comence era activitat des ossi ena Val d'Aran e tanben es prumèrs atacs ath bestiar.

Ua des prumères victimes der an a estat un popenc de sonque dètz dies en pòble d'Arres. Er atac s'aurie produsit pendent eth sèr e aué madeish a estat trapades es rèstes der animau. 

Dejà un popenc dera madeisha cavala siguec aucit tanben per un os en mes de mai de 2017 en Vilamòs.

Es prumèrs indicis d'activitat d'ossi sigueren trobadi a mejans de març en forma de peades ena Val de Toran e era zòna dera Bonaigua. 

Rebrembam que, a finaus de 2018, s'aprovèc eth Protocòl d’intervencion damb ossi enes Pirenèus, qu'aurà de servir entà préner decisions deuant conductes atipiques de determinadi exemplars d’os.

En cas de Goiat, qu'a era consideracion d’os repetidaments predador, ei previst refortilhar es mesures aversives entà sajar de modificar eth sòn comportament e, segontes es resultats obtengudi, dempús dera avaloracion deth Grop de Trabalh der Os Brun enes Pirenèus, préner era decision d'acòrd damb çò qu'establís eth Protocòl.

Aguesti atacs afècten fòrça as ramaders, que contunhen en tot exigir solucions.

IMATGES: ARMAND CASTET
Clara Villar