Eth projècte Ovihuec ei dejà en funcionament. Era agropacion de ramat que servirà entà evitar huecs de siesaua generacion autant coma, entre d’auti ahèrs, potenciar eth sector primari ena zòna e suenhar es entorns des poblacions a arrincat.

Era poblacion de Vilamòs a acuelhut aguesta pròva pilòt damb mès de 100 caps de bestiar a on i a diuèrsi tipes de races de oelha e craba e a on son survelhadi per un pastor. Eth consistòri a apostat damb fòrça per aguest projècte, e a volut èster ua referéncia ara ora d’acuélher aguest inici.

Era istòria deth pastor que se les survèlhe ei tanplan curiosa pr’amor qu’ei era d’ua persona qu’a deishat era sua activitat en Alt Urgelh pr’amor des problèmes burocratics e ara ei en Aran en tot començar ua naua vida damb era sua familha

Aguest projècte en que collabòren diuèrses institucions a nivèu estatau servirà entà impulsar eth sector primari autant coma evitar qu’es huecs se poguen extier damb tanta facilitat.