Aguestes imatges non se repetiràn enguan. Son es tradicionaus hèires ramadères qu’era val d’Aran acostume a acuélher pendent era prumèra setmana d’octobre. 

En aguest sens, eth Conselh Generau d’Aran e es Ajuntaments de Les, Bossòst, Vielha e Mijaran e Naut Aran an acordat per unanimitat anullar aguestes hèires ramadères.

Era sua celebracion, diden, non ei compatible damb es actuaus restriccions derivades dera situacion sanitària.

En aguestes hèires se poténcie era ramaderia ena Val d’Aran, un des sectors presents en nòste parçan, en tot dar a conéisher es races autoctònes araneses. Ath delà, rememòrien era descenuda deth bestiar des montanhes enquias bòrdes. 

Aguest eveniment a actuauments un aire mès comerciau e hestiu damb era organizacion parallela de mercats mestieraus e actes populars tradicionaus, ath delà dera exibicion deth bestiar.