Eth Departament d'Agricultura, Ramaderia, Pesca e Alimentacion dera Generalitat de Catalonha a informat sus era entrada en vigor, a compdar d'aguest 15 de març, dera proïbicion d'alugar cap tipe de huec en terren forestau. Aguesta proïbicion se recuelh en Decret 64/1995 damb er objectiu d'establir un seguit de mesures entà previer es incendis forestaus. Serà vigent enquiath pròplèu 15 d'octobre.

Era normativa regule qu'enes terrens forestaus, en ua franja d 500 mètros que l'entoren non se pòt alugar cap huec sigue quina sigue era finalitat. Laguens des airaus recreatius e d'acampada e en parcèles des urbanizacions, se poirà alugar un huec quan s'utilizen barbacoes d'òbra.

Tanben ei proïbit lançar objèctes alugadi, lordères e rèstes vegetaus e industriaus de quinsevolh tipe que poguen èster era causa der inici d'un huec; lançar huecs artificiaus o d'auti artefactes que puguen contier huec.