Excellenti registres a nivèu d’ocupacion ena Val d’Aran pendent aguesta sason d’iuèrn damb uns mesi de deseme e gèr damb recòrds includidi e ua Setmana Santa damb un 90% d’ocupacion, un hèt qu’auie costat d’arribar-i d’auti ans.

Damb aguestes chifres, era perspectiva de cara a finau d’an naturau indique qu'era mejana poderie superar eth 50% d’aucupacion, ua donada fòrça superior respècte d’auti endrets toristics.

En aguest sens, des deth sector de l’ostalaria destaquen qu'era Val d’Aran cada còp se desestacionalize mès e trabalhe damb era natura entà potenciar mès era arribada de visitaires en epòques que non i a nhèu

Es clients que mès s’an apropat a Aran pendent aguesta sason an estat, coma ei d’abituda, deth País Vasc, dera Comunitat de Madrid, Catalonha e es francesi pr’amor dera sua proximitat damb eth territòri.