Era EMD de Unha a estreat aguestes hèstes de Nadau un nau atractiu que de ben segur aproparà a vesins dera Val d’Aran e d’auti visitants de totes es parts deth mon a coneisher-lo.

Se tracte d’ua reproduccion a escala reau deth presèp de Nadau e qu’a gessut endauant gràcies ara accion dera pròpria EMD amassa damb era collaboracion de diuèrsi vesins d’aguest endret. Er emplaçament escuelhut tà plaçar-lo a estat era plaça ena que i é eth Musèu dera Nhèu e eth Taro, en tot potenciar mès aguesta localizacion.

Es figures que se pòden apreciar, entre d’autes, son Josep, Maria, eth mainatge Jesús, o es tipiques bèsties que se mencionen ena Biblia.

Er objectiu des vesins d’Unha ei eth de poder recuperar tradicions ancestraus d’aguest estil en tot voler impulsar era magia des hèstes de Nadau.