Es servicis de Pompièrs e Emergéncies d’Aran en coordinacion damb Mossos d’Esquadra e agents dera Policia Nacionau aueren d'estabilizar ager, diuendres 25 de gèr, un camion de transpòrt de combustible que peth maitin patic ua gessuda de via ena carretèra LV-5055 d'accès as pòbles de Vilamòs e Arres.

Es efectius d'Emergéncies e Pompièrs d’Aran procediren a protegir era zòna entà verificar qu'eth camion non auesse sofrit damatgese que non i auesse cap risc de pèrta de combustible ena cistèrna.

Un còp verifiquèren que non i auie cap pèrta se procedic ath transvasament deth combustible a un aute camion.

Es responsables de Pompièrs e Emergéncies d’Aran, avalorauen a darrèra ora deth ser amassa damb es manòbres des grues eth procediment entara evacuacion deth veïcul accidentat.

IMATGES: CONSELH GENERAU D'ARAN