Eth Conselh Generau d’ARan, a trauès des acciojns amiade sa tèrme en Plan de Sostenibilitat Toristica, que cau rebrembar que s’artenhec mès de 2 milions d’èuros, ei en procès de reemplaçar aguesti dies en territòri es pannèus informatius plaçadi en toti es pòbles dera Val d’Aran.

En aguesti naui pannèus, qu’an un format mès atractiu e renauit, se mòstren es punts d’interès de cada endret. Diuèrsi exemple ne son es poblacions de Vielha o de Betren qu’an vist dejà milhorada era sua imatge en tot indicar quini son es principaus atractius damb es que compden, ua accion que pretèn aufrir ua experiéncia mès positiva ath torisme que s’apròpe ad aguesti parçan.

Aguesti mapes formaràn part tanben deth projècte Guidaran damb eth que se vò hèr que damb un còdi QR se pogue descarregar punt per punt aguesti elements toristics e se pogue compdar damb ua locucion a diuèrsi idiòmes entà poder gaudir d’ua milhor experiéncia entà toti es que visiten eth territòri. Aguest projècte aurie d’èster prèst dempús dera Setmana santa.