ACTUALITAT
Preséncia de dues naues familhes d'os en Aran
Actuaument i a 90 exemplars contabilizadi en Pirenèu
Ua equipa de naturalistes dera Fundacion Oso Pardo e Depana an detectat dus grops de familhes d’os bru ena Val d’Aran arraïtz deth seguiment e survelhament dera espécie que hèn cada primavera ena zòna damb era coordinacion der expèrt en ossi d’aguest tipe e membres des dues entitats, Marc Alonso. Segontes explique ACN, s’a difonut un vidèo a on i apareish ua femelha damb dus ossardets d’un an e ua auta damb un solet, ath delà d’un exemplar joen, probablement neishut est an passat e independizat dera mair de hè pòc.
Es imatges s’enregistrèren a mès d’un quilomètre de distància entà non hèr a variar eth comportament des bèsties.
En Pirenèu i a ath torn de 90 exemplars d’os, qu’entà Fundacion Oso Pardo e Depana ei ua excellenat noticia. A dia d’aué, se constatar un creishent interès ara ora de cercar ad aguestes bèsties e contemplar-les en sòn abitat. Segontes eth pròpri Marc Alonso, se tracte d’un fenomèn globau que succedís en fòrça endrets d’America e Euròpa e es Pirenèus non en son ua excepcion.
Era reintroduccion des ossi s’amièc a tèrme en an 1997 damb dus exemplar en Meles, ena Haute Garonne ath cant dera termièra damb era Val d’Aran. A compdar d’aquiu, era poblacion a anat creishent de forma exponenciau.