Lum verda ath bastiment de 150 abitatges de luxe en Baquèira

28/03/2019

Er ajuntament de Naut Aran a dat lum verda ath projècte executiu deth Plan d'Infrastructures que contemple eth desvolopament de sies plans especiaus en nuclèu de Baquèira.

Atau, enes proximitats dera estacion, en còta 1500, se preve eth bastiment de 150 abitatges de luxe, qu’auràn ua superfícia d'entre 350 e 470 mètres quarradi.

Aguesta ei era prumèra promocion dempús de bastir era urbanizacion de Ruda entre 2003 e 2016, un plan qu’arrebrembam, compde damb lèu 500 abitatges e tres otèls.

Segontes eth baile de Naut Aran dejà i a demanda entà hèr-se damb un d'aguesti naui 150 abitatges que se bastiràn. Ath delà, en aguest municipi se considère barrada era epòca de crisi que tant a afectat ath sector inmobiliari.

Des sies plans a desvolopar, es mès auançadi son eth cinc e eth dus.

Laura Rodríguez