Era pandèmia deth Coronavirus non a arturat pas era celebracion deth Black Mountain Bossòst 2020, er hestivau de novèla nera qu’enguan artenh era sua 4au edicion. 

Previst entath passat mes d’abriu, er hestivau auec d’èster ajornat peth estat d’alarma. 

Eth Black Mountain Bossòst dejà comencèc eth passat 7 de seteme e s’alongarà enquiad aguest pròplèu dimenge. 

35 convidadi entre es que se trapen escrivans, periodistes o policies participen aguesti dies enes actes der hestivau.  

Era Covid-19 tanben serà present enes debats der hestivau e tanpòc cau desbrembar era ampla aufèrta d’activitats. En aguest sens, se compde damb actes restacadi damb era gastronomia, era musica o eth cinèma entre d’auti. 

Ath delà, eth Black Mountain Bossòst tanpòc dèishe de costat era promocion dera cultura dera Val d’Aran.

Ua setmana culturau que se clausurarà damb era presentacion deth prèmi novèla nera Black Mountain Bossòst 2020, autrejat ath libre Diseccionando un instante, de Pedro Moret Vegas.