Ua cinquantea d’estudiants de 4au d’ESO e de Bachelierat deth licèu Mont Valhèr e deth Collègi deth Coserans de Sant Gironç an visitat eth Conselh Generau d’Aran entà conéisher era realitat lingüistica d’Aran.


Ua part dera visita culturau la dediquen a conéisher era nòsta lengua e per aquerò an demanat ar Airau de Lengua deth Conselh ua charrada sus era realitat lingüistica d’Aran, qu’includís era istòria der aranés, era sua proteccion legau, era sua preséncia en ensenhament, enes carrèrs, en comèrç e enes mejans de comunicacion, e era politica lingüistica que desvolòpe eth Conselh Generau d’Aran.


HÒNT: CONSELH GENERAU D'ARAN