Desplaser en Aran damb es naues restriccions anonciades pera Generalitat

05/01/2021

Es naues mesures dera Generalitat de Catalonha qu’establissen eth confinament municipau de deluns a dimenge e era limitacion ena activitat comerciau s’an arrecebut com ua gèrra d’aigua heireda ena Val d’Aran. 

Serà a compdar deth dijaus dia 7 de gèr quan aguestes mesures entren en foncionament e auràn ua vigéncia de 10 dies. 

En cas des municipis deth Baish Aran, coma Bossòst o Les, er impacte ei encara major, pr’amor qu’aguestes localitats viuen sustot deth comèrç, e dejà se trapen pro castigades damb eth barrament perimetrau de Catalonha, ja que non compden damb eth sòn principau client, eth francés.

Damb aguestes naues mesures, pendent es dimenjades, rebrembam, sonque poderàn demorar dauridi es comèrci consideradi com essenciaus. 

Laura Rodríguez