ACTUALITAT
Comencen es trabalhs de descaperament e restauracion des pintures muraus ena glèisa de Sant Julian de Garòs
23/07/2024
Ua intervencion promoiguda peth Conselh Generau d’Aran laguens des accions previstes en airau de patrimòni tar an 2024
Aguesta setmana an començat es trabalhs de descaperament e restauracion des pintures muraus localizades ena paret nòrd dera glèisa de Sant Julian de Garòs.
Es trabalhs realizadi per restauradores dera empresa TdArt Heritage Curators, auràn ua durada d’ues tres setmanes e un còst de 18.077,40 euros. Aguesta intervencion a estat promoiguda peth Conselh Generau d’Aran, e ei part des accions previstes en 2024 laguens deth convèni de finançament qu’a tamb era Deputacion de Lhèida entara restauracion de bens integrants deth patrimòni culturau d’Aran.
Es trabalhs realizadi per restauradores dera empresa TdArt Heritage Curators, auràn ua durada d’ues tres setmanes e un còst de 18.077,40 euros. Aguesta intervencion a estat promoiguda peth Conselh Generau d’Aran, e ei part des accions previstes en 2024 laguens deth convèni de finançament qu’a tamb era Deputacion de Lhèida entara restauracion de bens integrants deth patrimòni culturau d’Aran.
Era glèisa de Sant Julian de Garòs ja possedís un important conjunt de pintura murau deth sègle XVI que decòre es vòutes dera absida, e que damb es actuaus trabalhs ena paret nòrd se veirà incrementat. Damb aguesta intervencion tanben s’incrementarà eth ja extens conjunt de pintures muraus existentes ena Val d’Aran, que van des pintures romaniques as d’estil gotic e renaishentista.
Er Airau de Patrimòni deth Conselh Generau d'Aran a constatat era existéncia de pintura murau dejós des coches de caudia e plastre que curbissen era paret meridionau dera glèisa de Sant Julian de Garòs, que se sajaràn de descaperar e restaurar ath long d’aguesti ans.
HÒNT: CONSELH GENERAU D'ARAN
HÒNT: CONSELH GENERAU D'ARAN
Manu Moga