Bones previsions entà aguesta Setmana Santa a nivèu d’ocupacion ena Val d’Arna. Segontes s’informe des dera Deputacion de Lhèida autant coma sector hotelèr deth territòri, aguesti prumèri dies hestius es chifres se plaçarien en 60-65% enquiath dijaus de sant. En çò que tanh ath moment mès punta de tot aguest periòde se plaçarie ath torn deth 85-90% deth dijaus Sant enquia deluns de pasca, moment en que se barrarie grana part dera temporada d’iuèrn en territòri.

Totun, era estacion d’esquí aranesa de Baqueira Beret, dejà a anonciat oficiaument qu’era sua intencion ei era de barrar eth dia 7 d’abriu, 1 setmana mès tard dera Setmana Santa, en tot coincidir damb er hestau Polar Sound, que s’harà en Baqueira eth 5 e 6 d’abriu.

Es persones que venguen tara Val d’Aran a esquiar se traparàn 106 quilomètres esquiables damb uns cèlhs de nhèu de 95 a 155 cm e ua qualitat de nhèu dura-primauera.

Ath delà, d’auti atractius importanti damb es que se compdarà pendent aguesti dies serà eth Parc de Fauna e Flòra Autoctona, Aranpark, dubèrt des d’aguest passat fin de setmana.