Bagergue presente naua candidatura en Viles Florides damb eth desir de tornar a èster en prinicipi deth rànquing

16/08/2019

Era camèra de fotos ei un element imprescindible s’aguesti dies se vò anar a visitar eth pòble de Bagergue. Flors e tota sòrta d’elements decoratius constituïssen ara eth gran atractiu deth pòble abitat mès naut dera nòsta Val.

Non i a cap de dubte: Bagergue torne a presentar candidatura en concors de Viles Florides. Arrebrembam qu’ena darrèra edicion artenhec era maximala puntuacion qu'eth certamen a autrejat enquia ara: 4 flors d'aunor.

Un resultat que non aurie estat possible sense era collaboracion des vesins de Bagergue. Son eri qui damb illusion e esfòrç planten era grana majoria des flors dera localitat e elabòren de forma artesanau toti es elements decoratius.

Viles Florides arreconeish es municipis que trabalhen pera transformacion des espacis publics a trauès de l’enjardinament e era melhora des espacis verdi.

Ath delà, des de Bagergue s’a amiat a tèrme ua bona difusion dera marca “VIles Florides” a trauèrs, per exemple, d’un concors de fotografia en Instagram.

Hè uns dies qu'eth jurat de Viles Florides visitèc Bagergue, e ara calerà demorar enquiara fin de seteme, que serà quan se darà a conéisher eth veredicte.
Laura Rodríguez