Per un costat, se disputarà era 4au edicion dera Trail Vielha-Molières 3010. Ua pròva qu’en pòqui ans a artenhut ua repercusion fòrça importanta en mon des pròves de montanha (trails), autant a nivèu nacionau coma internacionau, e qu’est an passat non se podec celebrar a conseqüéncia dera COVID-19.

Precisament, degut ara pandémia, era organizacion a limitat era participacion entà garantir era seguretat de totes es persones. I aurà es 2 modalitats ja abituaus: Era Molières Maraton (43 Kms e 4200 mètres de desnivèu positiu) e era Montpius Skyrace (23 Kms e 1800 mètres de desnivèu positiu). Coma en edicions anteriores, i aurà participaires non sonque d’Espanha, senon tanben arribadi de desparièrs païsi d’Euròpa, en tot remercar eth caire internacionau qu’a era pròva.

Ath delà, Era Ròda Non Stop de BTT, que tanben se celèbre dissabte, artenh enguan era 7au edicion. Era pròva aurà 3 categories: Era Ultramarathon (120 kms e 4100 mètres de desnivèu positiu), era Marathon (55 kms e 2000 mètres de desnivèu positiu) e era e-Bike (55 kms e 2000 mètres de desnivèu positiu, mès damb reglament diferenciat ara categoria BTT).

Entre ambdues competicions i aurà ath torn de 4000 sojorns, en tot supausar ua repercusion economica de mès de 300.000€ en benefici de tot eth sector toristic deth municipi.

Es organizacions pòrten temps en tot premanir aguestes corses, en tot aplicar eth protocòu a on se seguissen es mesures sanitàries avientes de prevencion de contagis dera COVID-19, entà que se desvolopen enes milhors condicions.


HÒNT: AJUNTAMENT VIELHA E MIJARAN