Vielha a tornat a aumplir-se de persones, de bestiar e de paradetes en tot celebrar era tradicionau Hèira deth Bestiar. Un eveniment que compde damb un concors de bestiar e damb ua hèira comerciau enes carrèrs deth caplòc aranés pendent tota era jornada.

Eth trèt caracteristic d’aguesta hèira deth bestiar de Vielha debane en concors qu’an darrèr an s’i organize e amasse as ramadèrs.

Aguest acte sage tanben de méter en valor eth mestièr ramadèr, qu’actuaments se trape en ua situacion plan fèbla, ja que cada viatge son mens es persones que s’i vòlen dedicar.

Era hèira comerciau d’enguan a compdat damb 150 paradetes, ua chifra mès grana qu’era der an passat. Açò met de manifèst era evolucion d’aguest eveniment e eth creishent interès per part des comerçants e des clients.