ACTUALITAT
Vielha e Mijaran torne a daurir eth Centre de Joenessa "Antara" en octobre
26/09/2024
Er Ajuntament de Vielha e Mijaran tornarà a daurir eth Centre de Joenessa “Antara” un viatge adjudicat eth servici de dinamizacion e coordinacion der espaci enquia 2028.
Des de 2018 a estat er endret de léser de referéncia dera joenessa deth municipi e demorarà dubèrt de diuendres a dimenge en orari des 17 as 21 ores, d'octobre a junh, e tota era setmana enes hèstes de Pasca e Nadau.
En aguest espaci s'i realizaràn talhèrs entà adolescents e era rèsta dera mainadèra, se programaràn activitats e d'autes accions que servisquen entà dinamizar eth centre e qu'es joeni se l'hèsquen sòn, mès tanben entà premanir-les entara vida adulta.
“Èm erosi de poder tornar a daurir eth Centre de Joenessa “Antara” a compdar d'aguesta tardor, pr'amor que des dera sua dubertura en 2018, s'a establit coma eth principau espaci de léser entara nòsta joenessa, e des der Ajuntament de Vielha e Mijaran apostam fermament entà qu'atau seguisque”, comente eth còsso de joenessa de Vielha e Mijaran, David Moreno. E ahig que “tornaram a gaudir de fòrça activitats adaptades as edatas des usatgèrs que venguen tà Antara, sustot, en tot pensar en que poguen hèr-se-lo sòn, mès tanben conscienciar-les de cara ara sua vida adulta”.
HÒNT: AJUNTAMENT VIELHA E MIJARAN
Des de 2018 a estat er endret de léser de referéncia dera joenessa deth municipi e demorarà dubèrt de diuendres a dimenge en orari des 17 as 21 ores, d'octobre a junh, e tota era setmana enes hèstes de Pasca e Nadau.
En aguest espaci s'i realizaràn talhèrs entà adolescents e era rèsta dera mainadèra, se programaràn activitats e d'autes accions que servisquen entà dinamizar eth centre e qu'es joeni se l'hèsquen sòn, mès tanben entà premanir-les entara vida adulta.
“Èm erosi de poder tornar a daurir eth Centre de Joenessa “Antara” a compdar d'aguesta tardor, pr'amor que des dera sua dubertura en 2018, s'a establit coma eth principau espaci de léser entara nòsta joenessa, e des der Ajuntament de Vielha e Mijaran apostam fermament entà qu'atau seguisque”, comente eth còsso de joenessa de Vielha e Mijaran, David Moreno. E ahig que “tornaram a gaudir de fòrça activitats adaptades as edatas des usatgèrs que venguen tà Antara, sustot, en tot pensar en que poguen hèr-se-lo sòn, mès tanben conscienciar-les de cara ara sua vida adulta”.
HÒNT: AJUNTAMENT VIELHA E MIJARAN
Manu Moga