ACTUALITAT
Vielha e Mijaran met en foncionament, un ostiu mès, eth servici toristic deth Trenet
23/07/2021
Eth servici foncionarà enquiath 12 de seteme, en tot èster obligatòri er emplec des mascaretes, damb aforament ath 100% dera sua capacitat e en tot mantier es prètzi d’ans anteriors
Un ostiu mès era empresa Ilertren met en foncionament eth servici toristic deth Trenet damb eth qu’es visitaires pòden contemplar eth patrimoni culturau e naturau deth municipi.
Ena naua normalitat ena que mos trapam des dera aparicion dera pandémia dera COVID-19 en 2020, hè que sigue de besonh era aplicación de desparières mesures de seguretat. Toti/es es usatgèrs/ères auràn de portar obligatòriament era mascareta pendent eth viatge. Atau madeish, s’amiarà a tèrme ua desinfeccion complèta deth Trenet dempús de cada emplec. E, se mantierà er aforament totau deth 100% des places disponibles.
Eth Trenet serà en funcionament enquiath 12 de seteme. Er orari ei de 10:30 a 13:30 e de 17:30 a 21:00, e era gessuda se realizarà des dera Avd. Pas d’Arró, ath costat deth parcatge des militars.
HÒNT: AJUNTAMENT VIELHA E MIJARAN
HÒNT: AJUNTAMENT VIELHA E MIJARAN
Manu Moga