Er Ajuntament de Vielha e Mijaran subvencionarà eth materiau escolar de toti es alumnes dera Escòla Garona empadronadi en municipi. 

Eth consistòri ajudarà tanben en pagament des libres de tèxte des alumnes der INS d’Aran empadronadi en Vielha e MIjaran quan non se supèren es ingrèssi familhar establidi. 

Era convocatòria, que se dauric a finaus de seteme, s’alongarà enquiath dimars 10 de noveme. 

Aguestes ajudes extraordinàries, aprovades pera Junta de Govèrn, son avalorades en 22.000€ entath pagament deth materiau escolar dera Escòla Garona.

Es subvencions entàs alumnes der Institut d’Aran son de 20.000€, destinadi as libres de tèxte.

Toti aqueri interessadi an enquiath pròplèu 10 de noveme entà presentar era sollicitud de demana dera ajuda en registre der Ajuntament. Se harà de manèra presenciau en tot demanar ora per telèfon o pera sedença electronica.