Eth Plen der Ajuntament de Vielha e Mijaran a aprovat era dusau modificacion pressupostària der an per valor de 5.335.000 èuros apruprètz. Era prepausa a gessut endauant damb es vòts a favor dera equipa de govèrn d’Unitat d’Aran, era abstencion de Convergéncia Aranesa e era negativa d’Aran Amassa.

Laguens des actuacions que se van a hèr laguens d’aguesta partida, i destaque 1.200.000 èuros entara reforma dera Oficina Tecnica, 933.000 èuros entà amiar a tèrme era milhora de diuèrsi carrèrs de Vielha, 400.000 èuros entara milhora deth servici d’aigües en Camin de Casau e Carretèra de Gausac o 400.000 èuros entara reabilitacion deth Palai de Gèu de Vielha.

Aguest darrèr ahèr a estat un des que mès a afrontat ath govèrn e oposicion pr’amor que considère Convergéncia qu’aguesta installacion a uns còsti fixes massa nauti e non i a prevision de futur en consistòri.

Pr’amor dera pujada d’impòsti, aguesta modificacion a estat des prumères que se destinarà lèu intègraments ath capítol d’inversions.