ACTUALITAT
Unitat d'Aran publique un comunicat en defensa deth president deth Govèrn Espanhòl, Pedro Sánchez
27/04/2024
Unitat d’Aran a coma un des sòns principaus objectius politics, ath delà dera consolidacion der autogovèrn e identitat aranesa, era defensa d’uns valors fonamentaus comuns coma era libertat, era igualtat, era justícia sociau, era sostenibilitat, era solidaritat, era patz, era defensa deth ben comun e era conviuença, dera tolerància, deth respècte e dera responsabilitat coma ua obligacion de toti.
Es òmes e hemnes d’Unitat d’Aran èm totauments comprometudi damb es valors dera democràcia e deth respècte e mantenguem era fèrma conviccion qu’eth respècte ei era basa dera conviuença, mès enlà deth legitim dret ara discrepància e ath debat.
Ei per tot açò que, deuant des darrèri aconteishements e dera carta publicada peth president deth govèrn d’Espanha, manifestam que:
1. Hèm a arribar eth nòste supòrt ath president deth Govèrn d’Espanha deuant des atacs personaus qu’eth e eth sòn entorn patissen coma mesura de pression politica, quauquarren que consideram intolerable.
Seguiram trabalhant pera concòrdia, era responsabilitat collectiva, eth respècte e era conviuença.
HÒNT: UNITAT D'ARAN
Es òmes e hemnes d’Unitat d’Aran èm totauments comprometudi damb es valors dera democràcia e deth respècte e mantenguem era fèrma conviccion qu’eth respècte ei era basa dera conviuença, mès enlà deth legitim dret ara discrepància e ath debat.
Ei per tot açò que, deuant des darrèri aconteishements e dera carta publicada peth president deth govèrn d’Espanha, manifestam que:
1. Hèm a arribar eth nòste supòrt ath president deth Govèrn d’Espanha deuant des atacs personaus qu’eth e eth sòn entorn patissen coma mesura de pression politica, quauquarren que consideram intolerable.
2. Denonciam ua forma d’exercir era politica basada ena manca de respècte, personau e institucionau, ena manipulacion, era mentida e era non acceptacion des legitims procèssi democratics coma miei tà desprestigiar ar adversari.
3. Defenem era politica coma esturment tà melhorar era vida dera ciutadania, e manifestam eth besonh de qu’es institucions siguen respectades e poguen auer un foncionament normau tà auer impacte positiu ena societat.
Seguiram trabalhant pera concòrdia, era responsabilitat collectiva, eth respècte e era conviuença.
HÒNT: UNITAT D'ARAN
Manu Moga