Agents des Mòssos d'Esquadra dera Val d'Aran detengueren eth passat 4 de seteme un òme de 35 ans, de nacionalitat francesa, sense abitança coneishuda, coma presomptiu autor d'un delicte de contraban de tabac.

Era maitiada de dissabte es mòssos montèren un contraròtle de pas ara carretèra C-28, en tèrme municipau de Vielha e Mijaran. En cors deth contraròtle, apròp des tres dera maitiada, un des agents observèc coma un torisme que se trobaue ara retenguda sajaue de hèr eth torn. Ua des patrolhes de supòrt inicièc eth seguiment deth torisme e lo poderen arturar un quilomètre mès enlà. Es mòssos identifiquèren eth conductor e, quan revisèren eth veïcul, localizèren 484 cartons de tabac, avaloradi en mès de 23.000 èuros.

Era valor supère eth limit dera infraccion administrativa qu'actuaument se tròbe en 15.000 èuros.

Er òme, qu'arreconeishec qu'auie crompat eth tabac en Andòrra, demorèc detengut coma presomptiu autor d'un delicte de contraban de tabac.

Eth detengut passèc a disposicion judiciau deuant era jutgessa d'instruccion en foncions de guàrdia de Vielha. Era autoritat judiciau decretèc er ingrès en preson.

HÒNT: ACN/LA MANYANA