Eth huec, qu'afècte pastures e zòna forestau, afècte un airau d'ues 80 ectares e poirie auer potenciau entà arribar a cremar-ne 800. Ei a uns 600 mètres de distància deth nuclèu abitat e an cremat dues bòrdes en Campespin.

Eth flanc esquèr, çò de mès pròplèu ara poblacion, ei estàtic. Per contra, eth dret auance empenhut peth vent que bohe.

Uns quinze efectius des Pompièrs dera Val d'Aran e 13 integrants des pompièrs dera Generalitat trabalhen entà extinguir-lo. I a ua desena de veïculs desplaçadi entre es dues unitats e tanben quate mès d'agents de Miei ambient.

Eth huec a començat un shinhau abans des cinc dera tarde e s'i a desplaçat un elicoptèr entà ajudar enes prètzhèts d'escandilhament. Eth dispositiu aerian se reprenerà deman peth maitin e es prètzhèts terrèstres s'alongaràn pendent era net.


HÒNT:  NOTÍCIES 3/24