Damb er objectiu de recuperar e dignificar un tradicionau jòc popular, eth pòble de Tredòs a amiat a tèrme enguan un concors de Quilhes a trauèrs d’ua liga que s’a alongat pendent es dimenges d’aguest mes d’agost. 

Ua Liga ena que i an participat 8 equipes formades per 5 persones en cadua.  

Es garròts e era pilòta s’an hèt de forma tradicionau en pòble damb husta de pin o auet. 

En çò que tanh ath jòc, consistís en hèr quèir es quilhes damb ua pilòta.

Aguesta iniciatiua a auut plan bona acuelhuda entre es vesins deth pòble, fòrça des quaus an aguest jòc ben arraïtzat ena sang.

Ua polida tradicion que demoram qu’ a compdar d’ara contunhe en Tredòs entà, com tostemp s’a hèt, amassar as vesins dera localitat.