Suspenudes es processons en Bossòst per dusau an consecutiu

26/03/2021

Son es imatges dera Setmana Santa de Bossòst deth 2019, qu’enguan, coma dejà passèc est an passat, non se poderàn repetir pr’amor dera incompatibilitat des aglomaracions damb era actuau crisi sanitària que trauessam.

Bossòst ei er unic pòble aranés qu'a conservat aguestes processions, des que se n'a constància, aumens, d’ençà de 1879.

Mès de 200 vesins e vesies de Bossòst participen an darrèr an en aguesti passi tan singulars. Pr’amor qu’era Setmana Santa de Bossòst, ei dejà un simbèu d’unitat e frairesa en aguest municipi deth baish Aran.


Çò que se celebrarà son es oficis religiosi, mès calerà respectar es mesures de prevencion dauant era Covid-19, coma er emplec dera masqueta e era distància de seguretat. Ath delà er aforament se redusirà ath 30%.
Laura Rodríguez