Naut Aran enlumene era glèisa de Sant Andrèu de Salardú entà poder contemplar damb mès atencion aguest majestuós temple religiós e espaci culturau deth municipi.

Era glèisa Sant Andrèu date des sègles XII-XIII e compde damb diuèrsi elements de transicion entre eth gotic e eth romanic. Era sua pentura murau interiora ei des mès ben conservades de tot eth territòri e i destaque era talha deth Crist de Salardú.

Des deth consistòri afirmen qu’era cultura e eth patrimòni supausen ua part importanta dera sua accion de govèrn pendent aguesti ans e un exemple n’ei aguest enlumenament dera glèisa Sant Andrèu de Salardú. Des de Naut Aran expliquen qu’an er objectiu de suenhar toti es espacis e sajar de potenciar-les ath maxim nivèu tà qu’eth municipi pogue esdevier un referent en toti es encastres.

Damb aguesta actuacion, er ajuntament refòrce eth sòn compromís damb era cultura deth municipi en tot potenciar-la tà generar naui atractius damb es que poder aportar mès atractius toristics en casa nòsta.

Eth campanau ei dejà visitable tanben e s’i destaquen ues vistes espectaculars de diuèrsi punts de Naut Aran.