Se daurís eth termini entà sollicitar es ajudes destinades as estudiants d’Aran, Alt Pirineu e Solsonès

22/07/2020

A compdar d’aué dejà se pòden sollicitar es ajudes destinades as estudiants universitaris d’Aran, Alt Pirineu e Solsonès (APA) entath cors 2019/2020. Es ajudes APA se concedissen entara mobilitat e lotjament dehòra dera comarca a on s’a era residéncia familhara e er impòrt maxim dera ajuda ei de 2.000 euròs.

Ne pòden èster beneficiaris es estudiants que complisquen es requisits que seguissen:

Requisits generaus:

 

  1. Auer era ciutadanetat de quinsevolh estat membre dera Union Europèa. En cas des estudiants non comunitaris, s’a d’acreditar era sua condicion de residents.
  2. Residir Aran, Alt Urgell, Alta Ribagorça, Cerdanya, Pallars Jussà, Pallars Sobirà o Solsonès, coma minim des der 1 de gèr de 2017.  

 

Requisits academics:

 

  1. Èster inscrit o inscrita en ua universitat deth sistèma universitari catalan eth cors 2019-2020 en uns estudis presenciaus encaminats ara obtencion d’un títol oficiau de grad.
  2. Èster matriculat o matriculada en cors actuau de 60 credits, en cas d’inscripcion entath cors complèt, o de 30 credits, enes casi d’inscripcion semestrau, tà cada semèstre.             
    • En cas de matricular-se d’un nombre inferior de credits, cau aportar ua acreditacion deth centre que justifique que s’a inscrit deth nombre maxim de crèdits d’acòrd damb era organizacion administrativa deth centre. Non se pòt acuélher ad aquera opcion es escolans que, a causa deth sòn rendiment academic enes corsi anteriors, non s’agen pogut matricular en nombre de credits previsti.
  3. Auer superat eth 80% des credits matriculadi en cors anterior o en darrèr cors realizat en ensenhaments des branques de coneishements d’arts e umanitats, sciéncies, sciéncies dera salut e sciéncies sociaus e juridiques e eth 60%, en cas des ensenhaments tecnics des branques de coneishement d’engenharia e arquitectura.
  4. Demoren excludides d’aguesta convocatòria es persones qu’agen bèra titolacion universitària superiora, es estudis de màster e especializacions e es persones qu’agen era independéncia familhara e economica dera sua unitat familhara.

 

Requisits economics:

 

  1. Non passar es limits de renda familhar e de patrimòni establidi ena convocatòria der exercici fiscau deth 2018.

 

Documentacion:

 

  • Document nacionau d'identitat deth/dera sollicitant e de toti es membres computables dera unitat familhau majors de 14 ans.
  • Numèro de compde bancari dera persona sollicitant.
  • Certificat municipau de convivéncia a on cònste era data d’inscripcion en padron dera persona sollicitant en un municipi des comarques mencionades, aumens des der 1 de gèr de 2017. En cas qu'es persones s'agen empadronat posterioraments ath 1 de gèr de 2017, ath delà deth certificat de convivéncia a on cònste era data de nauta deth padron municipau de tota era unitat familhau, cau presentar era documentacion acreditatiua deth centre d'ensenhament a on era persona sollicitant a estudiat eth cors 2018-2019 e/o quinsevolha auta documentacion que sigue acreditatiua d'aguesta circonstància.
  • Matricula universitària corresponenta ath cors 2019-2020 damb era acreditacion que s'a hèt efectiu eth pagament. Se s'a optat per matricula semestrau, cau presentar era des dus semèstres.
  • Matricula universitària corresponenta ath cors 2018-2019. Se s'a optat per matricula semestrau, cau presentar era des dus semèstres (sonque en cas des persones sollicitantes que non inícien per prumèr còp estudis universitaris eth cors 2018-2019).
  • Expedient academic complèt, a on cònsten es assignatures e era convocatòria en qué s'an obtengut, en cas des persones sollicitants que non corsen peth prumèr còp estudis universitaris. En aguest expedient tanben a de constar, de manèra clara, eth totau de crèdits matriculadi e eth totau de credits aprovadi en cors academic 2018-2019.
  • En cas des persones sollicitants que corsen peth prumèr còp estudis universitaris nòta PAU.
  • Enes casi qu’eth estudiant non s’age matriculat dera quantitat de credits exigidi pera convocatòria, li cau justificar que s’a matriculat deth nombre maxim de credits d’acòrd damb era organizacion administrativa deth centre o peth motiu de finalizar es estudis.
  • Documentacion qu'acredite qu'er estudiant residís dehòra dera residéncia familhau pendent eth cors academic e es recebuts de pagament dera residéncia


Era sollicitud s’a de completar a trauès dera web dera Agéncia de Gestion d’Ajuts Universitaris e de Recèrca (AGAUR) dera Generalitat de Catalunya, e ei de besonh eth certificat digitau. Ena madeisha web se pòden consultar es bases reguladores des ajudes APA e era documentacion de besonh entara sua sollicitud.

Era Oficina de Joenessa dera Val d’Aran facilitarà era tramitacion d’aguesta linha d’ajut a toti aqueri joeni qu’ac requerisquen. Se pòt demanar cita per auança en orari d’atencon ath public (de deluns a diuendres de 08:00 a 15:00 ores) via telefòn (973640625/ 680415451) o via email a joenessa@aran.org.

Eth tèrme entà presentar es sollicituds a trauès dera Oficina de Joenessa ei enquiath pròplèu diuendres 21 d’agost deth 2020 tàs 14 ores.

HÒNT: CONSELH GENERAU D'ARAN

Laura Rodríguez