ACTUALITAT
Prumèra grana nheuada dera sason
23/01/2019
Era prumèra grana nheuada dera sason a arribat per fin ara Val d'Aran. Dempús de dies en tot anonciar aguest temporau, era comarca aranesa a regalat estampes coma aguesta, en pòble de Bossòst.
Es prediccions diden que pendent eth dia d'aué se demoren precipitacions intenses e, en quaui punts, fòrça intenses. Totun, era còta de nhèu oscillarà entre es 600 e es 800 mètres pendent eth meddia, mès baisharà en totes es còtes pera tarde.
Atencion tanben as celhs acumuladi pendent tota era jornada, que superaràn eth mètre en Baqueira 2.500, es 40 cm en Vielha e es 20 cm en Baish Aran.
Er heired en Aran s’a amassat damb eth vent deth nòrd-oèst, en tot deishar ua sensacion termica fòrça baisha.
En çò que tanh as carretères, ei obligatòri er usatge de cadees ena C-28 entre Vielha e Salardú, e en Portilhon. Eth Pòrt dera Bonaigua e er accès de Baqueira a Beret per carretèra s'an barrat. E tanben s'a proïbit eth pas as camions articuladi en tram dera N-230 que va des de Vielha tà Vilalher.
Totun, eth perilh de lauegi ei naut, e per aquerò se demane que s’extremen es precaucions en zònes de montanha.
Es escòles e er Institut d'Aran an foncionat damb normalitat, maugrat qu'ara se considère redusir era jornada escolara.
Tanben a foncionat damb normalitat eth transpòrt public, maugrat qu'a patit bèth retard en bèth cas.
Ath delà, es esquiaires mès valents poderàn gaudir aué de 50 km esquiables en Baqueira/Beret.
Es prediccions diden que pendent eth dia d'aué se demoren precipitacions intenses e, en quaui punts, fòrça intenses. Totun, era còta de nhèu oscillarà entre es 600 e es 800 mètres pendent eth meddia, mès baisharà en totes es còtes pera tarde.
Atencion tanben as celhs acumuladi pendent tota era jornada, que superaràn eth mètre en Baqueira 2.500, es 40 cm en Vielha e es 20 cm en Baish Aran.
Er heired en Aran s’a amassat damb eth vent deth nòrd-oèst, en tot deishar ua sensacion termica fòrça baisha.
En çò que tanh as carretères, ei obligatòri er usatge de cadees ena C-28 entre Vielha e Salardú, e en Portilhon. Eth Pòrt dera Bonaigua e er accès de Baqueira a Beret per carretèra s'an barrat. E tanben s'a proïbit eth pas as camions articuladi en tram dera N-230 que va des de Vielha tà Vilalher.
Totun, eth perilh de lauegi ei naut, e per aquerò se demane que s’extremen es precaucions en zònes de montanha.
Es escòles e er Institut d'Aran an foncionat damb normalitat, maugrat qu'ara se considère redusir era jornada escolara.
Tanben a foncionat damb normalitat eth transpòrt public, maugrat qu'a patit bèth retard en bèth cas.
Ath delà, es esquiaires mès valents poderàn gaudir aué de 50 km esquiables en Baqueira/Beret.
Laura Rodríguez