De contunh, eth Dr. Josep Maria Grego, director deth mastèr GESAPH, presentèc es ueit trabalhs finaus de mastèr dera edicion 2022-23, de tematica multidisciplinar restacada damb era atencion integrada.

Entà barrar er acte, Carles Campuzano, conselhèr de Drets Sociaus dera Generalitat de Catalunya e Ernest Abadal, vicerector adjunt ath rector e de Personau d'ensenhament e investigador dera UB, autrejèren es certificacions a tot er alumnat que completèc es estudis deth mastèr e liurèc eth reconeishement ath melhor expedient academic, que a estat entà Mireia Rodríguez Castelló, ara melhora comunicacion deth projècte finau de mastèr, entà 'Alexifàrmac', e se decidic liurar un doble prèmi coma eth melhor projècte a: 'Respire cuidador' e 'TOSTEMP AMASSA', de Joaquim Pastor e Miguel Angel Cabrera, professionaus des Servici Assistenciaus Integrats d’Aran, amassa damb era rèsta dera sua equipa.

TOSTEMP AMASSA, ei un projècte centrat en persones damb malauties croniques e vulnerabilitat sociau que consistís en aufrir ua continuitat assistenciau. En prumèr lòc, se realizèc ua agropacion de visites planificades, seguidament s'activèc eth servici personalizat de dosificacion en tot ajudar e en tot facilitar eth plan terapeutic e supervisant eth sòn compliment. Dempús, s'amièc a tèrme un programa de formacion, tant sanitària com sociau, as persones membres deth programa. Entà fin finau, crear ua aplicacion mobila entà ajudar as professionaus, as persones suenhadores e as membres deth programa a susvelhar dera sua malautia e dera sua situacion sociau. Er objectiu d'aguesta app ei detectar es simptòmes d'alèrta entà poder saber en quin moment, quina accioncau realitzar. E entà concludir eth projècte, s'enquestèc a toti es professionaus entà auer ua avaloracion dera implementacion deth projècte, damb uns resultats qu’an sigut fòrça ben avaloradi.

Aguest reconeishement permeterà, ath delà, 30 ores de servici de supòrt a cargue dera empresa Servicis Salut e Sociau S.L. damb era fin d'enfocar es possibilitats de escalabilitat deth programa.

Sustot, felicitam a Joaquin Pastor e Miguel Angel Cabrera, entà auer obtengut era certificacion deth mastèr GESAPH e peth guerdon coma prumèr prèmi deth sòn projècte centrat en Aran que demòstre eth sòn esfòrç e involucracion en desvolopament e melhora dera integracion des nòsti servicis.



HÒNT: CONSELH GENERAU D'ARAN