Eth Servici Aranés de Benèster e Salut (SABS) a celebrat un procés de participacion dubèrt a toti, tant ciutadans coma professionaus der ambit dera salut e es servicis sociaus, entà elaborar eth sòn nau Plan Estrategic, que serà vigent entre er actuau an enquia 2023.

Era jornada de participacion comencèc damb ua petita introduccion ath Plan Estrategic, e dempús se passèc a plantejar quines èren es mancances e objectius en aguest modèu, en ambit assistenciau e a nivèu de recorsi tant entàs professionaus que se dediquen ar airau sanitari, coma entàs ciutadans que en son es usatgèrs.

Çò de mès destacat d’aguesta jornada siguec era possibilitat de poder compdar damb diuèrsi punts de vista, des der airau professionau e des des dera experiéncia der usatgèr, entà contrastar es diuèrses opinions e aprigondir enes possibles milhores entad aguest projècte.

Ei previst qu’aguest Plan Estrategic dera Val d’Aran sigue prèst abantes de que finalize 2018, de hèt, tot e qu’encara non a estat aprovat dejà s’estan implementant quauques des milhores que contemple.