ACTUALITAT
País Invisible guanhe eth prèmi a melhor produccion sonora der an
18/05/2023
Eth jurat dera gala des Prèmis Sonor, celebrada en Spotify Camp Nou, organizada per LA MIRA e Catalunya Ràdio, autregèc eth prèmi ara melhora produccion sonora der an ar equip de País Invisible
Eth projècte de País Invisible l'amien a tèrme Josep Armentano Solé: direccion, produccion, composicion (edicion) e locucion; Ferriol Macip Bonet (Farri): guidon, escaleta, produccion e locucion e David Valls (Zaku): hilats sociaus, tecnician informatic, dessenh web, damb er ADÒC (Associacion entara Difusion d'Occitània en Catalonha), qu'a ja a hèt eth programa aranés òc en Betevé, eth projècte de videos legibles Eth Ligam Occitan e que hè eth digitau Jornalet.
Ath delà, an compdat damb era participacion de convidadi coma Alidé Sans, Anna Geli, Mireia Boya, Xavi Gutiérrez, Tònho Castet, Joan de Nadau, Paulin Courtial, Laurenç Revèst, Terric Lausa, Rafèu Sichel-Bazin, Fredo Valla, Inés Cavalcanti, Cedric Rousseu, Ròden Kaufmann e d'auti actors culturaus restacadi damb er Occitan.
Ath delà, an compdat damb era participacion de convidadi coma Alidé Sans, Anna Geli, Mireia Boya, Xavi Gutiérrez, Tònho Castet, Joan de Nadau, Paulin Courtial, Laurenç Revèst, Terric Lausa, Rafèu Sichel-Bazin, Fredo Valla, Inés Cavalcanti, Cedric Rousseu, Ròden Kaufmann e d'auti actors culturaus restacadi damb er Occitan.
A shivau entre era antropologia e era etnolingüistica, País Invisible prepause un viatge sonor des dera Val d'Aran enquia Turin en tot escotar de viua votz eth mon occitan es entrevistes e reportatges damb representants de toti es sòns accents, en tot hèr conéisher era musica, era istòria des contrades, es tradicions e era societat occitana...
La MIRA a impulsat aguest 2023 era dusau edicion des Prèmis Sonor deth podcast en catalan damb era collaboracion de Catalunya Ràdio. Aguest guerdon vò premiar es melhors podcasts difonudi pendent er an 2022.
HÒNT: PAIS INVISIBLE/LA MIRA
HÒNT: PAIS INVISIBLE/LA MIRA
Manu Moga