Eth Plen der Ajuntament de Naut Aran a aprovat de forma definitiva era taxa servici estacionament e vials publics deth municipi.

Dempús d’èster 1 mes d’exposicion publica, non i a auut cap tipe d’allegacion ath respècte e s’a amiat endauant aguest vist-e-platz per part deth plen entà hèr ua pròva pilòt que gesserie endauant enes poblacions de Garòs, Arties e Salardú.

Era idèa deth consistòri ei era de plaçar parquimètres en aguesti endrets que poguen crubar 0,30 centims era ora, damb era excepcion qu’era prumèra ora serie tostemp gratuïta. Ath delà, es persones que paguen er impòsti de circulacion en Naut Aran poiràn tanben aparcar es ores qu’ac desiren de forma gratuïta.

Un des motius pes quaus er Ajuntament de Naut Aran aplicarà aguesta naua normativa ei pr’amor qu’actuauments es finques de Garòs, Arties e Salardú li còsten un loguèr annau e d’aguesta forma se poirà compensar part d’aquest pressupòst. Ei previst qu’era taxa comence era sua aplicacion pendent aguesta sason d’iuèrn.