Naut Aran apròve eth pressupòst tà 2021 per valor de 6.700.000€

17/12/2020

6.700.000 èuros. Aguest ei eth valor deth pressupòst entath 2021 qu’er Ajuntament de Naut Aran a aprovat. Uns compdes que son 40.000 èuros per dejós des d’est an passat. 

Eth cànon que cada an pague Baqueira ar Ajuntament de Naut Aran se rebaishe enguan un 33%, per çò qu’eth consistòri arreceberà 1 milion, 500.000 euros mens qu'en exercici anterior.

Es inversions municipaus que manquen, diden des dera alcaldia, s’anaràn diboishant damb modificacions pressupostàries. 

Aguest pressupòst sonque a compdat damb es vots favorables dera equipa de govèrn de Convergéncia Aranesa. 

Unitat d’Aran a votat en contra.

Pera sua part, Aran Amassa s’a abstengut ena votacion.

Fin finau, eth Plen a dat lum verda a ua modificacion pressupostària de 906.000 èuros entad aguest 2020. 

Laura Rodríguez