Dempús de suspener-se est an passat, se demore qu'eth milhor freeride mondiau pogue tornar a víuer-se en territòri deth 18 ath 23 de gèr en qué serà era prumèra corsa dera sason. D'un aute costat, es dies 6 e 7 de hereuèr ei prevista ua dobla Copa d'Euròpa d’eslalòn en ua competicion que hège fòrça ans que non se vedie en Baqueira.

Eth baile de Naut Aran, César Ruiz-Canela a destacat que “Naut Aran apòrte 50.000 èuros entath Freeride World Tour, 10.000 entath Freeride Junior World Tour e 15.000 entara dobla Copa d'Euròpa en Baqueira. Èm un equip de govèrn ambiciós damb er espòrt, er impuls d'aguest enes mès joeni atau coma era projeccion internacionau que pòt auer aguest tipe d'eveniments en nòste municipi. Mos agradarie que d’autes institucions apostèssen damb era madeisha o mès quantitat en aguesta sòrta d'eveniments que mos placen coma epicentre esportiu mondiau”.

Ena pròva deth Freeride World Tour se demore era participacion d'Abel Moga e Núria Castán e ena

dobla Copa d'Euròpa integrants der equip dera Reiau Federacion Espanhòla d'Espòrts d'Iuèrn.


HÒNT: AJUNTAMENT NAUT ARAN