ACTUALITAT
Naut Aran a creat eth 1èr concors de pentura Naut Aran Baqueira
23/09/2021
Er Ajuntament de Naut Aran a creat era prumèra edicion deth prèmi internacionau de pentura Naut Aran Baqueira que preten dar a conéisher eth municipi e que poguen arribar òbres artistiques d'un nivèu excellent e excepcionau.
Era tematica aurà d’èster vinculada ar entorn de Naut Aran. Ei per açò, que se poderàn realizar quadres coma deth Santuari de Montgarri, era montanha deth Montarto o d'auti sectors espectaculars d'aguesta demarcacion.
Des deth consistòri, s'a fixat ua prumèra e ua dusau posicion laguens deth concors que seràn dotadi de 6.000 e 3.000 èuros respectivaments.
Se harà ua preseleccion des 50 milhors òbres des que s'escuelheràn aguestes dues guanhadores, e, era rèsta, seràn exposades en ua sala d'exposicions que se condicionarà entà poder gaudir dera vartietat artistica des autors.
Aguestes òbres auràn era possibilitat d'èster venudes ena exposicion e era totalitat de çò que s’ingrèsse anarà entath pròpri artista.
Maximom se poderàn presentar dues òbres en format JPG en www.mundoarti.com enquiath 31 de gèr de 2022.
HÒNT: AJUNTAMENT DE NAUT ARAN
HÒNT: AJUNTAMENT DE NAUT ARAN
Manu Moga