Arribe en Vielha ua naua edicion deth Banff Mountain Film Festival World Tour. Ua escadença mès entàs aimants dera montanha entà gaudir de pellicules, presentacions de libres, exposicions e conferéncies de naut nivèu.

En aguest sens, es accions vinculades ad aguest hestau dejà s’an iniciat des de hè 2 dies damb ua exposicion fotografica nomentada “Barrancos Vírgenes del Himalaya” e que se pòt veir enquiath 30 de març ena Bibliotèca Generau de Vielha. Ath delà, en un aute des actes centraus, s’harà era conferéncia Pedricerensis, damb era escaladora Iris Gutiérrez ena Audiovisuau de Vielha. Tanben i aurà d’autes activitats en Naut Aran coma, per exemple, eth 30 de març en Centre Civic de tredòs un talhèr de socorrisme e prumèrs auxilis autant coma es films de diuendres e dissabte pendent tota era jornada.

Es entrades se pòden aquerir ena web deth Banff Mountain Film Festival World Tour a un prètz de 12 € per jornada.