ACTUALITAT
Naua edicion des Colònies d'Ostieu contra eth Càncer
Plaçades en Salardú entà mainadèra de 6 a 17 ans
Eth municipi de Naut Aran acuelh deth 14 ath 21 de junhsèga es colònies d’ostieu dera Associacion contra eth Cancer a on 88 joeni d’entre 6 a 17 ans gaudissen d’ua setmana plea d’activitats en aguestparçan autant coma en d’auti emplaçaments dera Val d’Aran damb eth prètzhèt que poguen conéisher e compartir experiéncies damb d’auti mainatges e mainades qu’agen patit ua situacion similara ara sua.
Eth consistòri aranés cedís ara associacion equipaments publics de forma gratuïta coma per exemple era Sala Polivalenta de Salardú o era piscina entà qu’era mainadèra pogue divertir-se en tot descorbir naui entorns des que provien. En aguest sens, es 88 joeni s’apròpen a Naut Aran de zònes coma Andalusia, Astúries, Castelha-Leon, Comunitat de Madrid, Aragon o regions de Catalonha coma Lhèida, Tarragona o Barcelona.
Era tinent d’alcalde der Ajuntament de Naut Aran, Anna Geli afirme que ei plan important tàs mainatges e mainades, e tàs sues familhes, que poguen gaudir d’un espaci e d’un entorn que d’abituda non lo pòden gaudir e qu’era implicacion dera Associacion, des sanitaris e der Espitau e des monitors son puntaus entà hèr ua societat mès amabla e inclusiva
Aguestes colònies se desvolopen en Naut Aran de hè 26 ans, totun, pendent era crisi sanitària deth coronavirus s’aueren de suspéner temporaument pendent dus ans.