ACTUALITAT
Morís un vesin dera Val d'Aran, de 58 ans, en un chòc contra un tractor en Aren (Òsca)
31/05/2023
Eth conductor deth torisme a on viatjaue era victima e eth dera mashina agricòla non an patit lesions
Un vesin dera Val d'Aran de 58 ans a mòrt en ua laspanada entre eth veïcul en quau viatjaue e un tractor en quilomètre 99,9 dera carretèra N-230, en tèrme municipau d'Areny de Noguera (Òsca). Segontes a explicat era Guardia Civiu, eth sinistre a debanat cap as 10:45, e a consistit en ua collision frontolaterau.
Eth conductor deth torisme en qué viatjaue era victima e eth dera mashina agricòla an resultat illesi. Era carretèra a estat talhada pendent dues ores mentre es equipes d'emergéncia trabalhauen en accident, e s'a abilitat dempús un carriu entà gerir eth transit. Eth cadavre a estat transportat pes servicis funeraris ar Espitau Provinciau d'Òsca.
Eth conductor deth torisme en qué viatjaue era victima e eth dera mashina agricòla an resultat illesi. Era carretèra a estat talhada pendent dues ores mentre es equipes d'emergéncia trabalhauen en accident, e s'a abilitat dempús un carriu entà gerir eth transit. Eth cadavre a estat transportat pes servicis funeraris ar Espitau Provinciau d'Òsca.
A banda des efectius dera Guardia Civiu, tanben an intervengut servicis sanitaris, pompièrs e mantenença de carretères.
HÒNT: ACN
HÒNT: ACN
Manu Moga