Maria Vergés (Unitat d'Aran) guanhe es eleccions ath Conselh Generau d'Aran

29/05/2023

Era actuau sindica d'Aran revalide era majoria absoluta damb 9 conselhèrs mentre que Convergéncia manten es 4 representants de 2019

Unitat d'Aran, damb Maria Vergés ath capdeuant, guanhe es eleccions ath Conselh Generau d'Aran d'aguest 28 de mai, en tot repetir es resultats de 2019.


En aguest sens, era formacion socialista a tornat a arténher 9 representants ena maximala institucion politica aranesa, mentre que Convergéncia Aranesa a mantengut es 4 representants que ja auie. Aran-Amassa, a despièt d'auer obtengut mès vòts, non a entrat ena cramba, atau coma li a passat ath Partit Renovador d'Arties e Garòs.


D'aguesta manèra, Vergés revalide eth cargue coma sindica d'Aran que ja exercie dempús de substituir a Paco Boya ar inici dera anteriora legislatura.


Vòts:


- Unitat d'Aran: 2.279 (49,05%)
- Convergéncia Aranesa: 1.626 (34,99%)
- Aran-Amassa: 498 (10,71%)
- Partit Renovador d'Arties e Garòs: 91 (1,95%)

Manu Moga