Es carrèrs de Les s'illuminèren peth huec des halhes en favor de Mireia Boya. Un centenat de persones voleren mostrar eth sòn supòrt ara politica aranesa qu’a de arrespóner deuant eth Tribunau Suprèm per un supausat delicte de rebellion en procés pera independéncia de Catalonha.

Boya, que siguec deputada dera CUP per Lleida e còsso en Ajuntament de Les, arrecebec ager eth supòrt de fòrça persones, qu’organizèren ua marcha portant halhes en tot caminar per tot eth pòble enquia arribar ara pòrta der Ajuntament, a on se procediren as discorsi en favor dera sua libertat, e a on se demanèc libertat entàs representants que contunhen en preson.

Ua gran mòstra de supòrt vesinau e afècte a Mireia Boya.