Unitat d'Aran a guanhat per majoria absoluta es eleccions ath Conselh Generau d'Aran.

Era candidatura entestada per Paco Boya a artenhut 9 conselhèrs mentre que Convergéncia Democratica Aranesa, liderada per Carlos Barrera, en conserve 4. 

Per prumèr còp des de 1999, eth Partit Renovador d'Arties e Garòs (PRAG) non artenh cap conselhèr. Pera sua part, Ciutadans, Aran Amassa e Unidas Podemos tanpòc artenhen representacion.

En aguesti comicis era participacion a estat deth 72,39%, un shinhau superior ara de 2015, deth 69,86%.

Era constitucion deth govèrn aranés ei prevista entara celebracion dera Hèsta d'Aran, eth pròplèu 17 de junh.

Es resultats per terçons an estat: 

• Pujòlo: 1 conselhèr d'UA (260 vòts -40,82%) e 1 conselhèr de CdA (246 vòts - 38,62%)
• Arties e Garòs: 1 conselhèr de CdA (142 vòts - 36,60%) e 1 conselhèr d'UA (112 vòts - 28,87%) 
• Castièro: 3 conselhèrs d'UA (1.132 vòts - 53,55%) e 1 conselhèr de CdA (512 vòts - 24,22%)
• Marcatosa: 1 conselhèr d'UA (172 vòts 41,85%)
• Lairissa: 1 conselhèr d'UA (161 vòts - 49,54%)
• Quate Lòcs: 2 conselhèrs d'UA (690 vòts - 57,17%) e 1 conslhèr de CdA (324 vòts - 26,84%)