Era Shasclada torne a amassar as vesins de Les un an mès, tà, coma mèrque era tradicion, baishar er haro peth pòble en tot arribar ara plaça der Haro, a on se shascle, en tot treiguer-li era pela e daurir-lo damb cunhes.

Se ben ei vertat qu’es previsions meteorologiques an hèt qu’eth nombre de participaires non siguesse tant naut coma d’auti ans, non se i pòt negar era grana implicacion qu’es vesins de Les an demostrat pendent aguesta jornada. E ei que ues 170 persones i anèren ath minjar popular e apuprètz ues 300 i assistiren ara baishada deth haro.

Quan eth tronc ei shasclat, se dèishe secar, e se demore enquiara hèsta de Sant Pere, que se celèbre en junh, quan se calarà en centre dera Plaça deth Haro, damb er acte coneishut coma era Quilha deth Haro. De cara ar an que ven, des der Ajuntament de Les se sajarà d’elaborar ua prepausa orientada a hèr mès participatiua era tala der arbe.