ACTUALITAT
Hèsta d'Aran 2018
19/06/2018
Coma cada 17 de junh, era Val d’Aran dejà a celebrat era sua hèsta nacionau, ena quau se commemòre er aniversari dera restitucion deth Conselh Generau d’Aran e era recupacion des drets e privilègis deth territòri.
Pendent aguest acte, s’hèc referéncia ara difícil situacion qu’an agut de passar Catalonha e Aran a causa dera aplicacion der article 155.
Es representants dera Generalitat de Catalonha presents ena celebracion mostrèren eth sòn compromís a recuperar era normalitat des relacions entre eth govèrn catalan e er aranés.
Es membres dera oposicion, se mostrèren tanben desirosi de qu’era Generalitat torne a repréner es compromisi damb Aran.
Ei imprescindible eth compromís deth govèrn de Catalonha entà poder repréner eth desplegament dera Lei d’Aran, que permeterà ara fin er increment dera partida pressupostària entara gestion de transpòrt e emergéncies sanitàries de Pompièrs e Emergències dera Val d’Aran, era cofinanciacion dera gestion dera naua residéncia geriatrica de Les, e impulsar eth nau modèl de finançament deth Conselh Generau d’Aran que ja aurie d'auer començat a aplicar-se enguan.
Clara Villar