ACTUALITAT
Gerard Rocher, vesin de Salardú, recep ua bèca de mans deth rei de Suècia, Carl XVI Gustaf
18/06/2024
Er aranés e vesin de Salardú, Gerard Rocher Ros, a rebut dera man deth rei de Suècia, Carl XVI Gustaf, ua des bèques de recerca qu’aufrís eth país nordic en aguesta escadença pera investigacion dera preséncia de metà enes arrius deth mon.
HÒNT: AJUNTAMENT NAUT ARAN
Aguest projècte, publicat ena prestigiosa revista Nature, permeterà a Gerard Rocher Ros seguir enes sues labors d’investigador entà comprovar coma a afectat eth cambi climatic ara preséncia d’aguest gas enes arrius de Suècia autant coma des Estats Units.
Rocher, a creat ua base de donades que dempús se hè a servir damb modèls matematics per tot eth mon. Aguest illustre investigador scientific ei expèrt en cicle deth carbòni enes arrius e biogeoquimica.
Des der Ajuntament de Naut Aran destacam e felicitam ath gran talent que i a en nòste municipi e que s’assolide en d’auti païsi deth mon. Felicitats, Gerard!
HÒNT: AJUNTAMENT NAUT ARAN
Manu Moga