Eth projècte pionèr "Endinsa't", de natura e espiritualitat, dejà ei en marcha en Bossòst

10/10/2018

Eth projècte Endinsa’t, pionèr en mon, ja està en marcha en municipi de Bossòst dempús de tres ans d’estudi e d’auer amiat a tèrme pròves pilòt qu’an resultat tot un exit. Aguesta iniciatiua, ena que i collabòre eth Consistòri deth municipi e eth Grop Silene, cerque aprofitar er arric auviatge naturau e culturau de Bossòst entà auançar en benèster integrau des persones. En aguest sens, ja s’an començat a traçar intineràris respectuosi damb eth miei ambient qu’afavorisquen activitats coma era reflexion o era meditacion jos tres principaus pilars. 

En aguest marc, son tres es zònes escuelhudes entà amiar a tèrme es accions deth projècte: es rotes protectores de Bossòst, eth Còth de Baretja e eth Plan des Bruishes. Aquiu se i poderàn trapar pannèus damb cites evocadores o e d’auti elements coma bancs entà facilitar era activitat de contemplacion. E un des objectius, ei que tot açò se amie a tèrme damb un assessorament per part d’un guida.

Era abilitacion d’aguesti espacis poderà èster possible gràcies ar ajut Leader qu’er Ajuntament de Bossòst a artenhut dera Union Europèa. Ua subvencion d’uns 38.000 èuros qu’arribe dempús de qu’era maxima institucion d’Europa creiguesse ena potencialitat dera iniciatiua, e non sonque a nivèu sociau, senon tanben economic.  

Es pròplèus passi deth projècte anaràn encaminadi a organizar ues jornades damb especialistes entà sajar d’arténher era implicacion deth pòble. E, atau, acabar d’abilitar es espacis escuelhudi e formalizar es activitats restacades damb era essència d’aguesta iniciatiua: natura e espiritualitat.  

Laura Rodríguez