Eth programa "Reempresa" dejà a arribat ara Val d'Aran

22/11/2019

Per qué barrar un negòci se i cap era possibilitat de cedir-lo e evitar, d'aguesta forma, eth sòn barrament e era pèrta de lòcs de trabalh?

Aguesta ei era qüestion que se hec eth programa Reempresa, que dejà a arribat ara Val d'Aran. Aguest programa fomente era contunhitat d'enterpreses que son viables economicaments e que vòlen passar eth testimòni.

A compdar dera sua neishença, en an 2011, eth balanç de "Reempresa" en Catalonha a estat fòrça positiu.

Er objectiu ei ajudar autant as persones interessades en cedir eth sòn negòci coma as interessades en reempréner en tot méter en marcha ua enterpresa. Un servici totauments gratuït.

En aguest sens, totes ei persones interessades en servici poderàn apropar-se ath Conselh Generau d’Aran, a on seràn atengudes pera persona responsabla en ahèr.
Laura Rodríguez